monumenta.ch > Seneca Maior > sectio 3

Word Selection for Searching

Report an Error in this Sectio
Seneca Maior, Controversiae, 9, 4, 3
FULVI SPARSI. Tales fuerunt, ex quibus posset alter tyrannum contemnere, alter occidere. IULI BASSI. Compressas fili manus in os meum impegi; caedentem consolatus sum. PORCI LATRONIS. 'Caede' inquit 'patrem'; dum ego neglegens sum, occupavit (praecipitare) se ex arce filius. hoc non est patri parcere sed sibi. 'Dura, fili: ad tyrannum tibi per patrem eundum est.'